Агульная вага канструкцый для Лядовага палацу ў Маладзечне склала больш за паўтары тысячы тон

get_imgБудаўніцтва пачалося яшчэ ў мінулым годзе да свята «Дажынкі-2011», якія гэтым летам пройдуць у Маладзечне.24 сакавіка Маладзечанскі завод металаканструкцый выканаў гэты заказ. Дарэчы, раней на месяц першапачаткова прызначанага тэрміну. Такім чынам,  сума заказу склала 12 мільярдаў рублёў!

Лядовы складаецца з трох частак: гэта спартыўная зала, лядовая арэна і басейн з элементамі аквапарку.  Самай складанай для будаўніцтва з’яўляецца якраз лядовая арэна.  Былі зроблены спецыяльныя канструкцыі, больш трывалыя для таго, каб зрабіць плыўны, акруглы дах.

Каб паспець не толькі ў час, але і апярэдзіць тэрмін вырабу металічных канструкцый для палацу, рабочыя МЗМК працавалі не ў дзве смены, як звычайна, а ў тры. І хаця гэта навіна добрая, але  ж хвалюе маладзечанцаў. Бо будаўніцтва такіх аб’ектаў асабліва складанае, якое патрабуе строгага выканання тэхналогій. Але спадзяемся, работа ў хуткі тэрмін ўсе ж не адлюструецца на якасці будоўлі.  Скончыць будаўніцтва аб’екта плануецца ўжо на пачатку верасня.

Такім чынам, разам з Лядовым палацам на 1,5 тысячы месцаў да «Дажынак» у горадзе праводзіцца маштабная рэканструкцыя вуліц і дамоў, перапланіроўка галоўнай плошчы, парка Перамогі,  будоўля фантана на месцы дэмантаванага помніка «Пакутнікам за волю і незалежнасць Беларусі» і летняга амфітэатра ў парку.


Ксенія Ельяшэвіч

Фота Сяргея Зянько

Поделиться:
  •  
  •  
  •  
  •  
  •  
  •  
  •  

Добавить комментарий

Ваш e-mail не будет опубликован. Обязательные поля помечены *