Ці заўважалі вы калі-небудзь памылкі на цэнніках, надпісах у магазінах? Я, напрыклад, вельмі часта заўважаю. Асабліва ў магазінах майго горада. Яно і зразумела, чаму. У нас шмат маленькіх магазінаў, дзе да гэтых пор прадаўцы самі пішуць назву тавара. А многія з іх не вельмі добра валодаюць мовай. Вось і адбываюцца казусы. У Мінску інакш? Выходзіць, што не. Сёння я зайшла у “Паштамт”, захацела набыць паштоўку на Новы год. Аказваецца, паштоўкі у галоўнай поште Мінска называюцца “адкрыткі”. Але калі зазірнуць у беларускі слоўнік, то там не знойдзеш такога слова.

У кнігарне “Белкніга” я заўважыла яшчэ адну памылку. Вырашыла купіць сабе сшытак, але позірк мой апыніўся на дзённіке для вучняў пачатковых класаў. І ўсё было б добра, але ў вочы кінулася памылка. Як працаўнік кнігарні мог напісаць “пОчатковай” ? Тым болей, што ніжэй на дзённіке дакладна напісана “пАчатковай”. Уж не ведаю, што было надрукавана на месцы, заклееным літарай “Ў”. А побач вісіць надпіс “Купляйце беларускае”. Мне сапраўды стала неяк сорамна. Як так можна адносіцца да нашай роднай мовы? Як можна “купляць беларускае”, калі тут нават нават назвы з арфаграфічнымі памылкамі? Пра пунктуацыйныя я ўжо і не кажу, іх таксама хапае.

Яшчэ мне не вельмі падабаецца тое, што на многіх беларускіх сайтах адсутнічае беларуская мова. Англійская прысутнічае, на некаторых яшчэ і нямецкая, а беларускай няма… Як так? Я, напрыклад, вельмі люблю беларускую мову, хаця і нарадзілася не ў Беларусі і не валодаю мовай дасканала. Але мне так і хочацца сказаць: “Не забывайце родную мову!”

Также можно почитать:

• Журфак встретил абитуриентов-2010
• Зимний сезон в Республиканском горнолыжном центре «Силичи» можно считать открытым
• Футбольная сборная Беларуси победила в Турции Армению