Мать-одиночка:»Моё отношение к белорусскому? Фуу! Как на нём можно говорить?»

Усе ведаюць, што беларуская мова зараз  перажывае не лепшы час. Беларускамоўных праграм на тэлебачанні амаль няма. Большасць радыёстанцый – таксама на “першай дзяржаўнай”. Адзінае месца, дзе яшчэ можна знайсці беларускую мову – інтэрнэт, а ў прыватнасці – сацыяльныя сеткі. Для прыклада возьмем сацыяльную сетку “У Кантакце” і разгледзiм некалькі беларускамоўных суполак.

Сацыяльныя сеткі – месца дзе можна знайсці  сяброў па самы розным інтарэсам.  “У Кантакце”  — самая “моладзевая” сацыяльная сетка. Вельмі цяжка знайсці чалавека ў узросце да 25 гадоў, які быў бы не зарэгістраваны там.  У анкеце, у графе “месца жыхарства”, крыху больш за 3 мільёна адзначылі “Беларусь”.  Прыплюсуем яшчэ дзесьці тысяч 500 ТП( “Творчых персон”), якія жывуць у Беларусі, але ў анкеце ў іх стаіць: Масква, Лас-Вегас, Берлін і г.д.. Увогулле атрымліваецца  прыкладна 3 500 000 беларусаў зарэгістраваны “У Кантакце”. Нядрэнна для краіны, з насельніцтвам 9 500 000 чалавек. Дрэнна іншае… У графе “мовы”, беларускую як родную адзначылі …. 280 тысяч (110 тысяч тарашкевіцу і 170 тысяч наркомаўку).  Каментаваць гэтую сітуацію няма сэнса.

Калі ўбраць апазіцыйныя і іншыя палітычныя, то самай вялікай беларускамоўнай суполкай “У Кантакце” з’яўляецца Lit.bel.(http://vk.com/litbel). За 5 месяцаў свайго існавання, падпісаліся на навіны гэтай суполкі больш за 60 тысяч чалавек. У “літарах па-беларуску”(а менавіта так расшыфроўваецца абрэвіятура Lit.bel.), размяшчаюцца прыгожыя малюнкі з такімі ж подпісамі да іх. Глядзіце самі:

Прыгожыя словы+прыгожы малюнак+ нейкая разыначка ( у гэтым выпадку разыначкай стала Беларуская мова) – вось што трэба сучаснай моладзі. Вось ён сакрэт папулярызацыі  мовы Купалы ды Коласа.

Другая суполка, якая таксама папулярна сярод беларускамоўнага асяроддзя “У Кантакце” —  СТУДЭНТЫ.BY(http://vk.com/studentyby). Але назваць яе цалкам беларускамоўнай нельга – у абмеркаваннях шмат навін на рускай мове. Апісанне гэтай суполкі гучыць так : Мы аб’ядноўваем усе вышэйшыя навучальныя ўстановы Беларусі, усіх беларускіх студэнтаў «ВКонтакте» і тых беларусаў, якія зараз атрымліваюць вышэйшую адукацыю за мяжой. На 1 лістапада ў суполке было 36 тысяч чалавек. Адзін з кіраўнікоў суполкі падпісан “Generation.by”, таму зразумела што амаль усе навіны на сцяне суполке менавіта з гэтага сайта.  Але ўсё роўна суполка вельмі папулярна сярод студэнтаў.

І апошняя суполка, пра якую на мой погляд абавязкова трэба распавесці — “Еўрапейскі футбол”(http://vk.com/eurafut_by). Пакуль у ёй крыху больш за 1000 чалавек, але яна становіцца ўсё больш і больш папулярнай, таму  ў суполкі вялікае будучае. Асаблівасць “Еўрапейскага футбола” —  гэта цалкам беларускамоўная старонка. Усе навіны, мэмы, коміксы – на беларускай мове.  І гэта вельмі ўражвае!  Адзін з кіраўнікоў  “Еўрапейскага футбола” лічыць, што ў яго суполкі  ёсць шанец паўтарыць поспех Lit.bel.
— Павел, як у вас з’явілась думка стварыць беларускамоўную суполку? І чаму менавіта беларускамоўную?  

— Хм… цяжка адказаць на пытаньне, таму што я не стварую яе… а стаў кіраўніком, калі было 88 падпісантаў…

—Ну а калі браць сусветны хакей(заў. Павел з’яўляецца таксама кіраўніком суполкі “Сусветны хакей”), чаму менавіта на мове?

-Там іншая справа. Я хацеў стварыць супольнасьць па хакею менавіта на мове як цыкл: Спорт па-беларускі (зараз гэта Еўрапейскі футбол і Сусветны хакей). Таксама была прапанова зрабіць яшчэ і баскетбольную суполку.

—Хто-небудзь з тваіх сяброў выказваўся негатыўна пра тое, што ты зрабіў суполку на беларускай мове?                  

-Пра суполку не было зусім. Амаль усе сябры падтрымалі мяне.

— Я ведаю, што ты і ў сацыяльных сетках стараешся пісаць па-беларуску. А ёсць ці такія знаёмыя, якім ты пішаш на рускай мове?
-А вось наконт мовы, на жаль ёсьць такія знаёмыя, якім я пішу на “языке” … хтосьці зусім мовы не разумее, некаторыя лічуць, што я размаўляю на трасянцы.

— Не сакрэт, што вельмі цяжка развіць беларускамоўную суполку ў сеціве, з чым гэта звязана, як лічаш?       

-На рамках беларускамоўнай прасторы “У кантакце” гэта не зусім цяжка… я лічу, што каля 70-80% карыстальнікаў “У кантаце”, якія размаўляюць па-беларуску і цікавацца футболам — падпісаны на нас… і нават на нас падпісана каля 50 украінцаў і проста такія, якія мовы зусім ня ведаюць, але іх цікавяць некаторыя навіны і наша творчасьць.

—Шматлікія кажуць, што вельмі малая цікаўнасць беларускай моладзі да белмоўных суполак “У кантакце”, абумоўлена тым, што вельмі мала тэматычных суполак: у асноўным палітычныя суполкі на мове. Згодзен з гэтым?             

-Ёсць і такое, да літ.бел, напрыклад, былі толькі рагатулькі і палітыка….Але літ.бел рэпосьціць кожны дзень, 80% маіх зкаёмых на яго падпісана… і нас рэпосьцяць,зараз у нас лепшыя анонсы матчаў… і адзін з лепшых дызайнераў  “У кантакце”…

Канечне, у “ У Кантакце” ёсць і іншыя вялікія беларускамоўныя суполкі(напрыклад “Мы за Вялікую Беларусь”(90 тысяч чалавек), “ЗА АДЗІНУЮ дзяржаўную МОВУ ў Беларусі!”(13 тысяч чалавек), “ПЛОШЧА ПРАЦЯГВАЕЦЦА ТУТ ”(23 тысяч чалавек), Беларускія рагатулькі(10 тысяч чалавек)). Але гэтыя суполкі носяць палітычны характар, таму я іх не разглядаў.

А якія адносіны да беларускамоўных суполак у звычайных беларусаў?

—Илья ( 18 лет, студент БНТУ): Я положительно отношусь к таким группам! Чем больше их будет, тем круче! Белорусский язык, наша отличительная черта. Я рад, что он развивается в интернете!

—Екатерина ( 16 лет, школьница): Я против. Наверное, потому что современная молодежь имеет свой язык. С детства они в семье общались на русском. Все их слова (ну которые сленг типа) опираются на русский язык. Есть глубокие патриоты своего языка. вот они и создают и вступают в подобные группы. Мне кажется, такие группы будут терять активность.

-Юля (17 гадоў, студэнтка БДУ): Я толькі “ЗА”! У мяне нават беларускамоўны інтэрфейс “У Кантакце”!  Я вельмі ганаруся нашай мовай!:) Беларуская мова — другая ў свеце па прыгажосці гучання! Але чаму беларусы гэта не шануюць?

-Елизавета (18 лет, студентка БГУ): Нейтрально. Но всё-таки мне ближе русский. Хотя, например, к группе Lit.bel. отношусь хорошо. Там белорусские слова воспринимаются лучше, нежели бы эти фразы были бы написаны на русском. Вот эта группа мне нравится.

-Милана ( 20 лет, мать-одиночка):Белорусский язык? Фуу! Как на нём можно говорить?