Прэзентацыя кніг Алеся Камоцкага. «Яны з’явіліся таму, што хутка канец свету».

Аўтары:Ганна Курак,Вікторыя Гручанкова

15 лістапада ў “Кніжным салоне” па вул. Калініна  адбылася прэзентацыя кніг Алеся Камоцкага. На працягу дзвух  гадзін аўтар  разам с Алесяй Сівохінай  спяваў свае песні, а таксама пераклады  вядомых рускіх і французскіх рамансаў.

“Зусім хутка, амаль што праз месяц, канец свету. Менавіта таму і з’явіліся кнігі “Навошта было мінулае” і “Пераспевы”, – так пачаў сустрэчу вядомы беларускі  паэт і бард.

Людзей у салоне было няшмат.  Тут сабраліся  прыхільнікі творчасці паэта  і сябры. Шчырасць голасу  барда, цеплыня яго слоў  адразу задалі атмасферу ўтульнасці.

 

 

 

 

 

 

 

 

 

 

У перапынках паміж песнямі  Алесь  рассказваў гісторыі іх стварэння і здарэнні са свайго жыцця. Так, напрыклад, мы даведаліся пра незвычайны падарунак Рыгора Барадуліна. На працягу  некалькіх дзесяцігоддзяў руку майстра слова ўпрыгожваў пярсцёнак з літарамі “Р.Б”. Цяпер жа ён належыць Алесю. І калі для Барадуліна літары былі ініцыяламі, то для Камоцкага яны расшыфроўваюцца як “Рэспубліка Беларусь”.

Таксама паэт адказаў на нашыя пытанні:
 Ці заўсёды Вы размаўлялі па-беларуску?
—   З большым ці меньшым посьпехам, але заўсёды 🙂
 Калі б была магчымасць задаць пытанне Я.Коласу або Я. Купалу, аб чым бы Вы іх запыталі?
—   Ці можна з Вамі гадзінку паразмаўляць ?
Ці ёсць паэт, на творчасць якога Вы раўняецеся?
—   Няма.

Напрыканцы вечарыны Алесь Камоцкі  праспяваў песню пра зіму. Як-ніяк яна ўжо на парозе.Пасля усе жадаючыя мелі магчымасць набыць кнігі і дыскі з аўтографам аўтара, а таксама сфатаграфавацца з ім.Дарэчы 22 лістапада Алесь Камоцкі выступіць у актавай зале літаратурнага  музея Янкі Купалы.

Культура

Поделиться:
  •  
  •  
  •  
  •  
  •  
  •  
  •  

Прэзентацыя кніг Алеся Камоцкага. «Яны з’явіліся таму, што хутка канец свету».: 2 комментария

  • 16.11.2012 в 1:08
    Permalink

    людей так мало, что создается впечатление, что конец света уже наступил)

    Рейтинг комментария:Vote +10Vote -10

  • 16.11.2012 в 1:09
    Permalink

    статья хорошая, сам хотел сходить, но потом вспомнил, что шефу лесбиянок подавай, а из Камоцкага плохая лесбиянка(

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *