«Будет долгим прощание»: памяці Міхаіла Пташука

Культура

Учора “Дом кіно” шчыра вітаў гасцей творчай сустрэчы “Доўгаю дарогаю дадому”, прысвечанай 70-годдзю памяці Заслужанага дзеяча мастацтваў Беларусі, народнага артыста і лаўрэата Дзяржаўнай прэміі Рэспублікі Беларусь, прызёра міжнародных кінафестываляў Міхаіла Мікалаевіча Пташука.

Міхаіл Пташук — знакавая таленавітая постаць на ніве беларускага кінематографа, аўтар болей чым 30 карцін. Сярод іх – знакамітая работа “В августе 44-го” , а таксама экранізацыі літаратурных помнікаў Беларусі: Васіль Быкаў “Знак бяды”, Уладзімір Караткевіч “Чорны замак Альшанскі”, Іван Шамякін “Вазьму твой боль”.

Адкрыў вечар словамі ўдзячнасці Міністр культуры Рэспублікі Беларусь Барыс Святлоў. Дзякуючы шматлікім калегам і сябрам кінарэжысёра – Уладзіміру Гасцюхіну, Сяргею Картэсу, Раісе Баравіковай і іншым – на сцэне літаральна ажывалі пранікнёныя, яскравыя, кранаючыя ўспаміны аб таленавітым творцы і цудоўным чалавеке. “Мечта каждого режиссёра – о свершении чуда. Его любимым словом было «мотор». «Мотор!» — и свершится великое чудо режиссера, актёра, оператора. Он и сам был «мотор» — яростно жил, яростно любил, яростно творил», — гаварыла пра мужа Лілія Міхайлаўна. Напрыканцы сустрэчы рэжысёр Сяргей Кац’ер прадставіў дакументальную стужку «Будет долгим прощание», якая ўявіла сабой яскравы летапіс жыцця Міхаіла Мікалаевіча Пташука.



Добавить комментарий

Ваш адрес email не будет опубликован. Обязательные поля помечены *