Выстава 90s.by перанесла наведвальнікаў у «ліхія», але і бесхлапотныя 90-ыя (фотасправаздача)

У чацвер, 3 кастычніка, ў галерэі «ЦЭХ 32» адкрылася выстава і прэзентацыя праекту 90s.by. У гэты час большасць студэнтаў Інстытута журналістікі толькі нарадзіліся, як і сучасная гісторыя нашай краіны: атрыманне  незалежнасці, стварэнне канстытуцыі, выбары прэзідэнта, эканамічны і палітычны крызісы. Узгадаем частку з’яў праз фотахроніку выставы:

Нельга не ўзгадаць пра тое, што 90-ыя годы падарылі цэлае пакаленне дзяцей і моладзі. Гулялі ў «яйцылоўкі», а потым у «Тэтрыс» і «Дэндзі». Жавалі жуйкі «Turbo» i «Love is». Аматары музыкі арганізоўваць мноства  фестываляў. Зарадзілія такія знакамітыя музычныя гурты, як «Ляпис Трубецкой», «N.R.M.», «B.N.», «Neuro Dubel» ,»Крама» ды іншыя.

Падзяліўся гісторыяй паэт Алесь Снег:

«Я нарадзіўся ў 1990. Акурат у перыяд развалу Савецкага саюзу. Нейкіх кардынальных рэвалюцыйных падзеяў я натуральна не памятаю, затое, напрыклад, добра з дзяцінства памятаю тое, чаго зараз зашмат. У маім горадзе была адна крама, у якой прадаваліся кіндэры, «еўрапейскія» шакалядкі. Крама была маленькая ,і ,здавалася, ўся прапітана водарам шакаладу. Памятаю з дзяцінтсва па выходных мультфільмы Дыснэя.
А гулялі з сябрамі ў хованкі, а яшчэ ў «чай кіпіць». Гэта гульня ў якой трэба знайсьці чалавека з заплюшчанымі вачыма.
У маім садку я вельмі добра памятаю гучала беларуская мова. Не заўжды, але словы «дзякую», «да пабачэнне» гучалі традыцыйна. Ранкам мы павінны былі казаць дзеткам і нянькам «Добрай раніцы».»

Астатнія экспанаты выставы можна паглядзець да 11 кастрычніка. Таксма можна прыносіць свае.