Першая палова лета ўжо за плячыма. Час адпачынку , сонейка і лёгкасці хутка набліжаецца да фінішу . А ці ўсе паспелі па- сапраўднаму адчуць летняе імгненне на сабе? Адпачыць з сябрамі, з’ездзіць на мора, заняцца любімай справай. Не? Хуценька! У нас яшчэ ёсць час. Я падрыхтавала для вас топ-5 бюджэтных варыянтаў актыўнага адпачынку па Беларусі, які патрабуюць ад вас толькі сяброў , добры настрой і кропельку вынослівасці .Паехалі!
- Дызель. Сваімі ўражаннямі і вопытам з намі падзяліўся Аляксандр 51 год (турыст з 35-гадовым стажам). Аляксандр: » У сваім жыцці я вельмі шмат падарожнічаў на веласіпедзе, байдарцы , пехам. На гэты раз мы з сынам выбралі не зусім звычайны варыянт падарожжа — дызель. І мы не пашкадавалі. Адпачынак аказаўся не затратным , а нават самым бюджэтным з усіх відаў транспарта. За пяць дзён мы праехалі вось які маршрут: Полацк — Орша — Магілёў — Гомель — Брэст — Гродна — Маладзечна. У кожным горадзе мы прадумвалі план эксурсій пры дапамозе гугла. І з асалодай знаёміліся з новымі мясцінамі, атрымлівалі яскравыя ўражанні».
- Аўтатурызм Сваім вопытам аўтатурызма з намі падзялілася Ганна 27 год (аматар байдарачнага адпачынку , удзельніца шматлікіх марафонаў у Беларусі і Расіі. Ганна: « Першы раз байдарку прамяняла на машыну. Цікава, гэта зусім іншыя ўражанні. Падарожнічалі ўдваіх . Гэта было прыемна і мы атрымлівалі асалоду ад поўнага выбару куды паехаць і на колькі. Наш маршрут быў накіраваны на Захадную Беларусь. На мой погляд , менавіта там шмат архітэктурных помнікаў , касцёлаў, сабораў, капліц. Так адпачывалі мы тыдзень. А для разнастайнасці зладзілі днёўку на возеры».
- Байдарка Святлана 41 год ( аматар самых розных відаў актыўнага адпачынку) : » Вельмі люблю актыўны адпачынак на прыродзе , але самы любімы з іх — байдаркі. За летні сезон некалькі разой з сябрамі выбіраемся ў байдарачныя паходы. Самыя доўгія — па чатыры дні. Мае любімыя рэчкі : Шо , Мнюта, Страча, Сэрвіч . Самае затратнае ў гэтым паходзе — гэта транспарт на дастаўку байдарак і пракат байдарак, калі ў вас іх няма. Начлег — у палатках , ежа — на вогнішчы . Падарожнічаць на байдарках можна з любога ўзросту. Мы бачылі нават сям’ю з немаўляткам ў лодцы. Галоўны бонус падарожжа — зарад пазітыва ад фізічнай актыўнасці , зносіны з сябрамі і прыродай , новыя знаёмствы і ўражанні».
- Велапаход Віталь 33 гады ( аматар валейболу , тэнісу ) : » Не змог адмовіцца ад прапановы сяброў схадзіць у велапаход па маршруце Ліда — Гродна — Брэст . Ведаў, што ў дзень будзем праходзіць па 80- 100 кіламетраў і таму рыхтаваўся загаддзя. Паход працягваўся 8 дзён , мы ўбачылі шмат цікавых помнікаў мінулага, але фізічна было дастаткова цяжка , таму пачаткоўцам велатурызму раю выбіраць маршруты на невялікую адлегласць ( 60 км на дзень). Мець добра ўладкаваны веласіпед і дастатковы запас вады».
- Палатачны лагер Захар 11 год : » Я вельмі люблю адпачываць у лесе ў палатках. Кожнае лета мне выпадае магчымасць пабыць на такім адпачынку па 5-6 разоў. Я люблю адпачываць як з сябрамі , так і з сям’ёй . У палатках жывем каля 1-2 тыдняў . Якія толькі цікавосткі там можна ўбачыць і сутрэць! Калі б мне паставілі выбар : мора ці лес, то я выбраў бы дакладна другое! Бо я вельмі люблю збіраць грыбы, лавіць рыбу і просто адпачываць на прыродзе! Раю пабываць на возеры Пліса Глыбоцкага раёна і на Браслаўшчыне». Спадзяюся, што мае турыстычныя прапановы знайшлі месца ў вашых летніх планах . Жадаю добрага і прыемнага адпачынка!
