Сувенір на карысць. Знаёмімся з мастацтвам не выходзячы з хаты

Абитуриент Культура

Сучасны  тэмп  жыцця здзіўляе сваёй насычанасцю і настарожвае няспынным імкненнем бегчы наперад.  Чалавек увесь час прымушаны падладжвацца пад яго, шукаць спосабы, каб  знайсці вольны час і на адпачынак, і на любімы занятак, і на культурную праграму.  Апошняя пакутуе часцей за ўсё, таму сёння  выйсце будзем знаходзіць разам. А дапамогуць  у  гэтым цікавыя капмлекты паштовак, якія з’явіліся дзякуючы супрацоўніцтву Нацыянальнага  мастацкага музея нашай краіны і  выдавецтва ТАА «Артыя Групп».

У выніку атрымалася серыя паштовак, прысвечаная беларускаму мастацтву дзевятнаццатага стагоддзя. Першымі былі складзеныя камплекты па творчасці  знакамітых аматараў беларускага мастацтва: Вітольда Бялыніцкага-Біруля, Івана Хруцкага, Станіслава Жукоўскага.

Камплекты  складаюцца з трынаццаці рэпрадукцый знакамітых карцін, якія захоўваюцца ў кардоннай вокладцы. Памер кожнай —  10х15см, што, пагадзіцеся, вельмі зручна. Уся інфармацыя змешчана адразу на трох мовах:  беларускай, рускай і англійскай. Гэта таксама радуе. Афармленне серыі прыемна здзіўляе:  дызайнеры сапраўды добра папрацавалі.  Акрамя паштовак,  пакупнік можа ўбачыць  і партрэт мастака,  і яго невялічкую біяграфію.

На зваротным баку кожнай паштоўкі  ёсць назва палатна, з якога была  зроблена рэпрадукцыя,  год стварэння карціны, яе рэальны памер, нават матэрыял, пры дапамозе якога быў створаны шэдэўр. Таму, калі вы да гэтага часу не знаходзіце нічога цікавага ў посткросінгу, у вас ёсць выдатная магчымасць далучыцца, а акрамя гэтага, лепш пазнаёміцца з творчасцю сваіх землякоў, якімі мы маем права па-сапраўднаму ганарыцца.

Капмлекты паштовак можна набыць як сувенір у Нацыянальным мастацкім музее Рэспублікі Беларусь  ці ў кніжкай краме вашага горада.

print



Добавить комментарий

Ваш e-mail не будет опубликован. Обязательные поля помечены *