Сёлеташнія абітурыенты адкрылі ўступны сезон

“Упершыню думаць аб прафесіі журналіста я пачала ў класе восьмым, тады сур’ёзна разглядала варыянт паступлення менавіта на журфак. Потым вырашыла, што пакуль яшчэ рана думаць, і на нейкі час забылася пра гэта. Але мяне цікавіла гульня  “Што? Дзе? Калі? ” і мне падабалася мець зносіны з людзьмі, рабіць нататкі пра гэта, пісаць маленькія гісторыі, нават пісала сцанар для школьнага КВЗ. Знаёмыя казалі, што нядрэнна атрымліваецца і я пачала задумвацца, а чаму б не? Пасля 9 класа засталася ў школе з мэтай паступаць у ВНУ на журналістыку.”

Вераніка Арцем’ева, абітурынтка.

“Я збіраюся паступаць у Інстытут журналістыкі БДУ, але са спецыяльнасцю яшчэ не зусім вызначылася, але хутчэй за ўсё гэта “Друкаваныя СМІ”. Я думаю, што паступаць не зусім лёгка, таму што калі твае аднакласнікі ў чэрвені «адстраляліся» і могуць атрымліваць асалоду ад лета, то абітурыентам журфака яшчэ трэба прайсці творчы конкурс у ліпені. Калі моцна захацець, то можна паступіць на бюджэт. Галоўнае — плённа рыхтавацца да ЦТ, публікавацца ў розных выданнях. З нагоды будучага магу сказаць, што зусім не важна, які ўніверсітэт і па якой спецыяльнасці Вы скончыце. Галоўнае — як Вы ўладкуецеся ў далейшым жыцці. Перспектыва ёсць заўсёды!”

Багдан Сакалоў, абітурыент . Спецыяльнасць “Вэб-журналістыка”.

“Я за сваё дзяцiнства перабраў шмат розных прафесiй, але ў рэшце рэшт прыпынiўся на шляху журналiстыкi. Чаму? Бо я зразумеў, што я ўсё сваё жыццё да гэтага крочыў, сам таго не разумеючы. Я ўжо з падрыхтоўчага класа рабiў аматарскую газету для свайго класа. Крыху пазней я ўжо займаў месцы на розных конкурсах па сачыненнях, рабiў дакументальныя фiльмы, сам iх мантажыраваў, сам апытваў людзей.

Як толькi я зразумеў, што хачу быць журналiстам, адразу пачаў рабiць. Пайшоў па рэдакцыях, шукаў тэмы. Спачатку справа не iшла, а потым мяне захапiла з галавою: артыкулы, рэпартажы, новыя людзi, новыя ўражаннi, а самае галоўнае — любiмая справа.

Я ўжо ў журналiстыцы год. Паступаю ў iнстытут сваёй мары. Ёсць любiмая праца, матывацыя вучыцца ды дасягаць вяршынь у сваёй прафесii. Хачу падзякаваць усiм тым людзям, што мяне падтрымлiвалi, вучылi ды дапамагалi ў журналiстыцы!

Планы на будучыню? Паступiць, канешне! Ну а пасля…вучыцца, развiвацца, дасягаць.”

Як бачна па статыстыцы, трэндавымі спецыяльнасцямі па-ранейшаму засталіся аўдыявізуальная і вэб- журналістыкі.  Але куды паступаць — залежыць толькі ад вас. Поспехаў, бо без іх ніяк!