Працаваць настаўнікам цікава, але вучыцца на яго яшчэ цікавей! Здаецца, што ні адзін студэнт Беларусі не правёў свае канікулы так, як гэта зрабілі студэнты БДПУ. Самыя разумныя, актыўныя і крэатыўныя па традыцыі накіраваліся ў “Зорны паход”.
“Зорны паход” – гэта традыцыя педагагічнага ўніверсітэта. У гэтым годзе ён праводзіцца ажно ў 57 раз. Галоўная мэта мерапрыемства – грамадзянска-патрыятычнае выхаванне моладзі. У гэтым годзе студэнты і педагогі наведалі Барысаўскі, Дзяржынскі, Крупскі, Мядзельскі, Слуцкі, Стаўбцоўскі, а таксама Івацэвічскі і Светлагорскі раёны. Актывісты выступілі з канцэртнымі праграмамі, правялі прафарыентацыйныя сустрэчы з вучнямі школ, таксама ўшанавалі памяць загінуўшых падчас вайны: усклалі кветкі да помнікаў, арганізавалі сустрэчы з ветэранамі, што сімвалічна, бо гэты год у Беларусі, прысвечаны гістарычнай памяці. Што было самым цікавым у час паходу? Як стаць удзельнікам гэтага мерапрыемства? Якія ўражанні яно аставіла пасля сябе? Пра гэта і многае іншае расказалі ўдзельнікі 57 “Зорнага паходу”:
Бажэна Лапко, студэнтка 1 курса факультэт “Пачатковая адукацыя”, атрад “Авангард” .
«На адным з мерапрыемстваў ва ўніверсітэце да мяне падышла намеснік дэкана Ірына Аляксандраўна і спытала: «Ці не хацела б ты паўдзельнічаць у Зорным паходзе?». Я, вядома, адказала, што мне гэта цікава. Потым прайшла субясэдаванне і стала часткай каманды! На гэты раз мы наведалі школы і памятныя мясціны Крупскага раёна. Больш за ўсё мне спадабалася, як мы размаўлялі з гасцямі з Узбекістана, рыхтаваліся да канцэртаў, бегалі пераапранацца. Нас сустрэлі з усёй шчырасцю! У адной са школ нават распалілі вогнішча, прыгатавалі салдацкую кашу і запрасілі пакатацца на санках! Мы, канешне, згадзіліся. У цэлым, «Зорны паход» – гэта незабыўныя эмоцыі, уражанні і карысць! Я хачу стаць яго часткай яшчэ не раз!»
Аляксандр Гарох, 3 курс факультэт “Прыродазнаўзнаўства”, атрад “Полымя душы”
«Я ўдзельнічаю не ў першы раз, бо лічу, што “Зорны паход” прыносіць вялікую карысць. Па-першае, ён нагадвае сучаснаму пакаленню пра цяжкае мінулае нашай краіны, так як праходзіць у месцах ваеннай і працоўнай славы. Па- другое, “Зорны паход” – гэта магчымасць для нашага ўніверсітэта правесці прафарыентацыю ў школах, расказаць вучням пра тое, якая цікавая і карысная прафесія педагога. У гэты раз мы з атрадам наведалі значныя месцы Мядзельскага раёна: помнік і магіла Максіма Танка, месца массавага пахавання яўрэяў; пасябравалі з прадстаўнікамі з Расіі. Мы знайшлі новыя знаёмствы, атрымалі пазітыўныя ўражанні! Я магу з упэўненасцю сказаць, што «Зорны паход» збліжае!»
Наталья Ладзік, 3 курс “Філалагічны факультэт”, атрад “Максімавы нашчадкі”
“Зорны паход” – гэта выдатная магчымасць праявіць сябе, развіць свае камунікацыйныя здольнасці, раскрыць творчы патэнцыял, захаваць вельмі трапяткія ўспаміны пра студэнцкія гады. Для мяне гэта вельмі важная місія і сур’ёзны праект. “Зорны паход” даў мне магчымасць развіць сябе ў якасці педагога, дапамагчы школьнікам выбраць правільны жыццёвы шлях. Я з’яўлялася не толькі ўдзельнікам, а і прэсс-сакратаром, таму атрымала яяшчэ болей цікавых уражанняў і пазітыўных эмоцый. У гэты раз мой атрад наведаў Стаўбцоўскі раён, дзе мы ўсклалі кветкі на магілы загінуўшым у гады Вялікай Айчыннай вайны, наведалі школы раёна і музеі Якуба Коласа. “Зорны паход” – гэта магчымасць, а я рада, што не ўпусціла яе!»
