Грошай дзе знайсці багата? Несумненна, у нумізмата!

калекцыя“Шчасце не ў грошах, а ў іх колькасці” – менавіта такі выгляд прыняла вядомая прыказка сёння, бо кожны імкнецца знайсці “месца пад сонейкам”, забяспечыць сабе і сваім блізкім паспяховае будучае. Мне знаёмы чалавек, для якога на першым месцы стаіць не колькасць грошай, а іх выдатная якасць.

Першую манету – 20 расійскіх рублёў – Кірыл Абрамчык, студэнт БГПУ імя М. Танка, зрабіў “стартавай” ва ўтварэнні сваёй калекцыі, якая сёння налічвае амаль 4,5 тысячы манет са 170 дзяржаў свету. Аб шматлікіх падрабязнасцях такой цікавай справы, як нумізматыка, я вырашыла даведацца у самога Кірыла.

— За 11 год ты сабраў калекцыю каласальных памераў. У ёй знайшлося месца як сучасным грошам, так і даволі старажытным. Якая манета самая “дарослая”?

— Мне пашчасціла знайсці медныя грошы часоў Вялікага княства Літоўскага, адчэканеныя яшчэ ў 1532 г. Ёсць таксама манета, якой карысталіся жыхары Рэчы Паспалітай, наміналам ў 2 грашы.

— Грошы такой даўніны патрабуюць пэўнага догляду. Як ў цябе атрымліваецца захоўваць манеты ў больш-менш добрым стане?SDC13906

— З цягам часу металічныя грошы ўсё роўна страчваюць сваю былую якасць, якім бы каштоўным ні быў метал. Але існуюць спецыяльныя манетныя альбомы – клясэры. У іх змешчаны шматлікія файлы-старонкі. (Мне адразу здалося, што гэты звычайная папка з файламі, але, як потым высветлілася, яны маюць спецыяльны рэчыўны састаў, найбольш падыходзячы для працяглага захоўвання грошай – аўт.).

— У кожнага калекцыянера, як мне здаецца, ёсць свае “любімчыкі”.  Якія манеты табе падабаюцца больш астатніх?

— Брытанскія манеты, якія выходзілі пачынаючы з сярэдзіны XIX стагоддзя. Даволі цікавая калекцыя еўрапейскіх і азіяцкіх манет, на якіх адлюстраваны караблі. Па вартасці ж ў “лідэрах” рускія царскія рублі.

— Калекцыя якіх грошай трымае пальму першынства па сваёй колькасці?

— Самая вялікая калекцыя амерыканскіх манет, якія выходзілі пачынаючы з канца XIX стагоддзя. Іх каля 130. Вялікая калекцыя іспанскіх манет — іх каля 50, партугальскіх – 40.

манеты—  Якія малюнкі можна пабачыць на манетах?

— Часцей за ўсё гэта вядомыя людзі, манархі. На грэчаскіх манетах можна ўбачыць гронку вінаграда – краіна заўсёды славілася гэтай расліннай культурай. На ізраільскіх манетах адлюстравана менора (сямісвечнік), што сведчыць аб распаўсюджанасці іудаізму ў дзяржаве. Караблі, адлюстраваныя на манетах, сведчаць аб доўгай караблебудоўчай гісторыі дзяржавы –малюнак на манетах Аб’яднаных Арабскіх Эміратаў (да таго моманту, пакуль у краіне не былі знойдзены паклады нафты, насельніцтва займалася рыбнай лоўляй).

— З якіх крыніц папаўняецца твая калекцыя?

— Перш за ўсё гэта клубы нумізматаў.  Кошт залежыць ад стану купюры — чым лепш, тым даражэй.

Нумізматыка – не адзінае захапленне Кірыла. Яго ўвагу прыцягвае не толькі “метал”, але і грошы папяровыя – “сыравіна” баністыкі, якая вывучае купюры.

— Кірыл, якая, на твой погляд, купюра мае даволі цікавую гісторыю ўзнікнення?

— Напрыклад, карбонцы, якія выпускалася на Украіне ў гады Вялікай

Карбонцы выпускаліся на Украіне падчас Вялікай Айчыннай вайны

Карбонцы выпускаліся на Украіне падчас Вялікай Айчыннай вайны

Айчыннай вайны нямецкімі акупацыйнымі ўладамі. На іх можна пабачыць надпісы як на украінскай, так і на нямецкай мовах.

— Скажы, калі ласка, як ты ставішся да грошаў  у паўсядзённым жыцці? Мабыць, усё ж часам хочацца адкласці новенькую беларускую купюру для калекцыі?

—  Несумненна, хочацца. Але калі разглядаць грошы не праз “калекцыйную” прызму, я ўсё ж прытрымліваюся здаўна вядомай прыказкі – шчасце не ў грошах.

— А ў чым?

— (Усміхаецца).У іх якасці.

Матэрыял падрыхтавала Юлія Вілюха

Поделиться:
  •  
  •  
  •  
  •  
  •  
  •  
  •  

Грошай дзе знайсці багата? Несумненна, у нумізмата!: 1 комментарий

  • 05.11.2010 в 12:59
    Permalink

    Прыемна чытаць артыкулы на роднай мове. На жаль, фотаздымкі не вельмі якасныя, але гэта мае ўражанні не сапсавала. Адказ толькі на некалькі пытанняў не знайшла — як ен іх збірае, дзе знаходзіць, ці каштоўна гэта?

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *