Не можа Беларусь без Купалы

Культура Новости

З мэтай папулярызацыі беларускай культуры і развіцця ў школьнікаў цікавасці да творчасці вядомых беларускіх пісьменнікаў, у сярэдняй школе № 42 г. Мінска праходзіў тыдзень беларускай мовы і літаратуры. У сувязі з гэтай падзеяй вучні 11 і 6 класаў вырашылі правесці літаратурна-музычны вечар «Не можа Беларусь без Купалы».

WP_20150218_002

Галоўная ідэя мерапрыемства – данесці да гледачоў, што мінулае і будучае беларускай мовы вельмі багатае, паказаць, што трэба ганарыцца сваёй роднай мовай і старанна вучыць яе, а таксама даказаць тое, што ўрокі беларускай мовы і літаратуры зусім не сумныя, а, нават, наадварот, вельмі вясёлыя і пазнавальныя.
Само мерапрыемства адбылося ў апошнія дні лютага на тэрыторыі школы.

WP_20150217_003

Падрыхтоўка да важнай падзеі пачала ажыццяўляцца за месяц. Вучні патрацілі шмат сіл і часу для таго, каб добра вывучыць свае рэплікі і «ўжыцца» ў ролі. Яны прадумвалі план выступу, складалі спісы неабходных рэчаў, рыхтавалі касцюмы…

WP_20150217_002

Пастаноўка «Не можа Беларусь без Купалы» пачалася з прамовы вучня 11 класа, які граў ролю Гусляра. Пасля гэтага вучні 6 класа распавядалі пра беларускіх пісьменнікаў і чыталі іх вершы на памяць. Як толькі апошні ўдзельнік мерапрыемства з 6 класа прачытаў верш, 11 клас пачаў свой выступ, які быў пабудаваны на двух светах. Першы – свет, дзе жывуць Янка Купала, Якуб Колас, Ганна і іншыя. Другі – свет, дзе жывуць героі пастаноўкі «Паўлінка».
Нельга не адзначыць, што на мерапрыемстве, акрамя вучняў школы і настаўнікаў, прысутнічала шмат гасцей, якія ўважліва назіралі за прадстаўленнем, ужываліся ў ролі разам з акцёрамі, хваляваліся з героямі.
Літаратурна-музычны вечар доўжыўся каля гадзіны. Скончылася мерапрыемства песняй «Спадчына» «Песняроў» на словы Янкі Купалы.
Стваральнікам сцэнарыя літаратурна-музычнай імпрэзы з’яўляецца класны кіраўнік 11 класа Ж.А.Фралкова. Менавіта яна была тым чалавекам, які прапанаваў правесці падобнае мерапрыемства, тым самым стварыўшы невялікае свята.



Добавить комментарий

Ваш адрес email не будет опубликован. Обязательные поля помечены *